Categories
આંતરરાષટ્રીય

નગરોટાના આતંકવાદી એમના હેન્ડલર્સના સંપર્કમાં હતા

જમ્મુ કશ્મીરના નગરોટામાં ગુરૂવારે પરોઢિયે ટ્રકમાં છૂપાઇને જઇ રહેલા અને ઠાર થયેલા ચારેચાર આતંકવાદીઓ પાકિસ્તાનમાં બેઠેલા પોતાના હેન્ડલર્સના સંપર્કમાં હતા એના જીવંત પુરાવા જેવી સામગ્રી આ આતંકવાદીઓ પાસેથી મલી હતી.  સિક્યોરિટી દળોએ કબજે કરેલી આ સામગ્રીમાં ખાસ તો પાકિસ્તાનની માઇક્રો ઇલેક્ટ્રોનિક્સ નામની કંપનીએ બનાવેલો ડિજિટલ મોબાઇલ રેડિયો હતો જેના દ્વારા આતંકવાદીઓ પોતાના આકાઓના પ્રત્યક્ષ સંપર્કમાં હતા. અત્રે એ યાદ કરવા જેવું છે કે 2008-09માં મુંબઇ મહાનગરમાં દરિયાઇ માર્ગે થયેલા આતંકવાદી હુમલા વખતે પણ આતંકવાદીઓ પાકિસ્તાનમાં બેઠેલા પોતાના આકાઓના સીધા સંપર્કમાં રહ્યા હતા. રીઢા આતંકવાદી મસૂદ અઝહરનો ભાઇ એ લોકોને દિશાસૂચન કરી રહ્યો હતો.

Leave a Reply

Your email address will not be published.